Кои се студентските претставници на УГД во Штип и како да ги најдете?

Студентите се застапени преку свои претставници во телата на Универзитетот Гоце Делчев во Штип. Главното студентско тело се вика „Универзитетско студентско собрание“, а и тоа има свои органи и тела. Ќе ви ги претставиме студентските претставници, ќе ви кажеме за што можете да ги барате и каде да ги најдете.

Универзитетското студентско собрание има свои членови и претседател, а студентската организација се разгранува и на факултетски собранија и нивни претседатели и членови. Членовите на факултетското собрание и нивните претседатели се бираат на непосредни избори од страна на студентите кои се организираат секоја година.
Универзитетското студентско собрание (УСС) претсавува тело на универзитетот кое ги преставува и застапува правата на студентите пред надлежните органи. Ова собрание е предвидено со Новиот Закон за високо образование со кое им се дава можност на студентите да бираат и да бидат избрани во ова тело, за подоцна да им се препуштат на предизвикот да се борат силно за подобро и поквалитетно обарзование. УСС е составено од двајца претставници од секој факултет кои се избираат во рамките на факултетските студентски собранија.

Мирко Наџаков, Претседател на УСС

Претседател на УСС е Мирко Наџаков, студент на Правниот факултет на УГД.
Како претседател на Универзитетското студентско собрание цел и задача ми е да да ги го претставувам ова тело и да одговорам на сите барања од студентите на овој универзитет за подобро студирање, вели Наџаков.
Иако е пандемија, и контактите се значително намалени, сепак студентите имаат одредени барања до УСС и до своите факултетски собранија.
Студентите најчесто се обраќаат до универзитетското собрание за финансирање на нивни конгреси и семинари. Исто така се обраќаат и за прашања кои најчесто ги засегаат студентите како барања за додатни испитни сесии и сл. Секој член на собранието е должен да го претставува своето факултетско собрание и да го достави секој проблем во врска со студирањето на секој оној кој тоа ќе го побара, вели Наџаков.
Канцеларијата на УСС се наоѓа на Економскиот факултет и секој работен ден е отворена за соработка со студентите.
Сите барања можете да ги упатите директно во канцеларијата на УСС или на нивниот е-маил
uss_ugd@outlook.com