Српскиот тенисер Новак Ѓоковиќ изјави дека не е антиваксер, но подобро ќе се откаже од сите идни трофеи отколку да биде приморан да се вакцинира против Ковид 19.

Во ексклузивно интервју за ББЦ најдобриот тенисер на светот порача дека тој не треба да биде поврзуван со движењето на антиваксерите и дека го подржува правото на избор на секој поединец.

Фото: Инстаграм

„Тоа е цената која сум спремен да ја платам. Никогаш не сум бил против вакцинација, ги примив сите вакцини како дете, но отсекогаш сум ја подржувал слободата на избор за тоа кој што става во своето тело. Принципите за носење одлуки за моето тело се поважни од било која титула или било што друго. Се обидувам да бидам во склад со своето тело, колку што е можно повеќе“, рече Ѓоковиќ во одговор на прашањето дали ќе ги жртвува натпреварувањата Вимболдон или Роланд Гарос.

Во своето интервју тој се осврна и на се она што се случуваше во Австралија.

Novak Djokovic says he would rather skip future tournaments than be forced to get a Covid jab, in an exclusive BBC interview https://t.co/vLNeBvgp0M

— BBC Breaking News (@BBCBreaking) February 15, 2022

„Навистина бев разочаран и тажен за начинот на кој се заврши тоа во Австралија. Грешката во визната декларација не е направена намерно. Тоа го прифатија и сојузниот суд и самиот Министер за имиграција на Австралија. Она што малку луѓе знаат е дека јас не сум депортиран од Австралија поради тоа што не сум вакциниран или поради тоа што сум прекршил некое правило. Сето тоа е впрочем одобрено. Причината поради која сум депортиран е тоа што министерот за имиграција го искористи своето дискреционо право да ми ја поништи визата врз основа на перцепција дека јас сум можел да создадам антиваксерски чувства во земјата, со што воопшто не се согласувам, рекол Новак.

Само двајца од ТОП 100 тенисери не се вакцинирани

Во остатокот од интервјуто тој повторува дека се надева оти условите за вакцинација ќе се променат и дека ќе биде во можност да учествува на другите турнири.