Љубовта и сексот може драстично да се променат, ако (или кога) вештачката интелигенцијата вмеша прсти и во овој сегмент од животот на луѓето.

Сцена од филмот Ex Machina

Најновите достигнувања во областа на вештачката интелигенција наскоро би можеле да доведат до оживување на секс куклите, а во иднина оваа технологија би можела да симулира и романтични врски, па и љубовта,  вели поранешниот директор за истражување и развој на Google, Мо Гадат.

Во подкастот за теоријата на влијание, Гадат заклучи дека напредокот во вештачката интелигенција и технологијата за виртуелна реалност може да ја промени суштината на општествениот живот и значително да ги „редизајнира“ љубовните и романтичните врски.

Тој исто така објасни дека многу промени веќе пристигнале, и дека алтернативата на сексот е веќе тука – луѓето треба само да купат кацига за виртуелна реалност и да видат колку реални станале сексуалните симулации.

„Сексуалната стимулација во мозокот и физичкиот аспект на односот не е толку тешко да се симулира. Ако можеме да ве убедиме дека секс робот е жив или дека сексот во виртуелната реалност е реален, тогаш е готово. Потоа разгледајте ја технологијата како „Neuralink“ и други начини кои можат директно да се поврзат со нервниот систем. „Зошто воопшто и би ви требало уште едно човечко суштество“, вели Гадат.

Вештачката интелигенција ќе ја нудат и љубовта и романтиката?!

Поранешниот директор на Google додава дека чувствата на дружење или сексуалност се само „сигнали во вашиот мозок“ и може да се симулираат, на сличен начин на кој научниците многу лесно можат да симулираат како да се движат мускул или да копираат мозочни сигнали.

Технолошки трендови кои ќе доминираат во 2023

Слично може да се очекува и со љубовта и романтичните врски. Вештачката интелигенција може да развие емоционална врска, а со тоа може да се збогуваме со љубовта каква што ја знаеме.

Во прилог на неговите тврдења дека постои огромен поттик во понатамошниот развој на вештачката интелигенција, особено на полето на „запознавање, симулирање љубов или секс“, Гадат го наведува фактот дека апликациите како Replica, чет-бот кој може да развие емоционална врска со луѓето, веќе имаат милиони активни корисници.

„Што би ја спречило новата апликација да нуди аватари за да се забавувате? Многу луѓе ќе се обидат“, тврди Гадат, но признава и дека не знае дали таквите достигнувања се добри или лоши за човештвото.