Книги кои се на листата на најпознати, изгледа се и на листата на оние за кои луѓето лажат дека ги прочитале. Веројатно, за да изгледаат попаметни, попривлечни…

Imagination photo created by freepik – www.freepik.com

Знаете за што се работи, ги знаете ликовите, сте го гледале филмот… исто како да сте ја читале книгата, нели? Па, се чини дека многумина мислат така, бидејќи анкетата на Би-Би-Си пред неколку години покажа дека голем дел од луѓето се преправаат дека прочитале одредена книга кога во реалноста не ја ни допреле.

Онлајн анкетата понатаму наведува дека четвртина од луѓето се спремни да лажат за одредени книги што мислат дека требало да ги прочитаат за да изгледаат попаметни, попривлечни и да се вклопат во општеството. Дури 40 отсто од луѓето рекле дека нивната најважна причина за лажење е да избегнат да бидат изоставени од разговор, а нешто помалку од една третина рекле дека лажат за да изгледаат поинтелигентни.

Книги се читаат и „читаат“ – срамно е да кажете „не сум го читал Толстој“!

Истражувањето, во кое беа анкетирани 2.000 испитаници во Британија, ги искористи информациите за да ги рангира насловите за кои повеќето луѓе лажат по редослед. Веројатно очекувано, на листата се Толстој, Чарлс Дикенс (дури и три пати), но има и неколку „модерни“ изненадувања како „Педесет нијанси сиво“ или серијата Хари Потер.

Како библиотекар може да промени животи?

„Луѓето се поподготвени да се согласат дека читале класични романи, бидејќи на тој начин изгледаат поинтелигентни во општеството. Сепак, дури 42 отсто од нив своето знаење за класиците го темелат на ТВ адаптациите и филмовите, или заплетите што ги наоѓаат на Интернет“, се наведува во извештајот.

Еве ја комплетната листа, па можете да преброите колку пати сте згрешиле.

1. „Алиса во земјата на чудата“, Луис Керол

2. „1984“, Џорџ Орвел

3. Трилогија „Господарот на прстените“, Џ. РР Толкин

4. „Војна и мир“, Лав Толстој

5. „Ана Каренина“, Лав Толстој

6. „Авантурите на Шерлок Холмс“, Артур Конан Дојл

7. Да се убие птица подбивница, Харпер Ли

8. „Дејвид Коперфилд“, Чарлс Дикенс

9. „Злосторство и казна“, Фјодор Достоевски

10. „Гордост и предрасуди“, Џејн Остин

11. „The Black House“, Чарлс Дикенс

12. „Хари Потер“, Џ. К. Роулинг

13. „Големите очекувања“, Чарлс Дикенс

14. „Дневникот на Ана Франк“, Ана Франк

15. „Оливер Твист“, Чарлс Дикенс

16. „Педесет нијанси“ (трилогија), Е. Л. Џејмс

17. „Десет мали црнци“, Агата Кристи

18. „Големиот Гетсби“, Ф. Скот Фицџералд

19 „Финта 22“, Џозеф Хелер

20. „Ловец во жито“, Џ. Д. Селинџер