Американската компанија Slice одамна е присутна во Македонија, постојано вработува и го шири своето делување, а моментално имаат потреба од нови вработувања.

На 07ми септември со почеток во 15:00 до 19:00 часот во канцелариите на Slice во Скопје (наспроти Љуц, до Лимак Хотел) е организиран отворен ден за кариера во Slice.

Запознајте го тимот, почувствувајте ја атмосферата и уживајте во одлична пица забава. Дознајте како би изгледал вашиот работен ден, кој е тимот позади успехот на Slice и уште повеќе информации за бенефитите. Ако сте подготвени да се придружите на нашиот тим за продажба, ќе имаме брзи интервјуа и можност што не може да се пропушти – да бидете вработени на лице место, се вели во повикот до младите луѓе од компанијата.

Slice е глобална технолошка компанија со над 1.000 вработени и канцеларии во Њујорк, Белфаст, Дебар, Охрид и Скопје. Примарната цел на компанијата е да им помогне на локалните пица-ресторани во Америка да бидат конкурентни на пазарот, преку обезбедување на иновативна платформа за нарачување пица, но и техничка поддршка, советување и помош при работењето. Во моментов, на локално ниво Slice работи во Скопје, Охрид и Дебар истовремено остварувајќи директни соработки со над 17.000 пицерии во околу 2.000 градови низ САД.

Компанијата моментално во Македонија бара млади вработени кои би биле дел од нивниот тим.