Гоце.мк заедно со Универзитетското радио УГД ФМ спроведува серијал на истражувања во кои ќе се детектираат недостатоците и предизвиците на образовниот процес, но во исто време ќе се понудат и решенија. Детектирањето на недостатоците и проблемите се врши преку онлајн анкета преку која ќе се слушне гласот на младите.

После прибирањето на резултатите од студентите и младите луѓе, експерти и лидери од Универзитетот „Гоце Делчев“ ќе бидат консултирани со цел да се изнајдат решенија на актуелните проблеми и да одговорат за актуелните предизвици.

Првата од серијалот анкети се однесува на иселувањето генерално, и дали образованието има придонес во тоа, а потоа ќе ги слушнеме и мислењата на посебните факултети – природни и технички, општествени, уметнички и медицински.

Во анкетата подолу таргет група се млади луѓе кои се иселиле и кои планираат да се иселат. Одговарањето ќе ни помогне многу да дознаеме вистинските проблеми и да ги понудиме вистинските решенија.