Авиолетовите поскапи, мачни чекања на аеродромите, ова е слика која последниот период покажува дека заврши времето на ефтини и ефикасни воздушни патувања .

Photo by Carlos Coronado on Unsplash

„Времето на евтини и ефикасни воздушни патувања заврши, веројатно на подолг период“, велат од осигурувањето на Алијанц Трејд.

Како што посочуваат, туристите треба да се подготват за мачно чекање на аеродромите за многу поскапи летови. Особено во Европа, многумина ќе размислат за посигурни, еколошки почисти и поевтини возови, пренесува dpa.

Во студијата претставена во вторникот, Алијанц проценува дека авионските билети значително ќе поскапат оваа година и дека авиокомпаниите под финансиски притисок немаат простор за маневрирање за да го решат проблемот со недостигот на персонал.

Уште полошо, сегашните масовни откажувања на авиолетовите се новото нормално.

Откажувањата на авиолетовите се новото нормално

Имено, од почетокот на годината, поради поскапувањето на керозинот за 89 отсто, авиокомпаниите во голема мера ја коригираа цената на билетите. „Авиокомпаниите се обидуваат да ги надоместат загубите од претходните две пандемични години“, рече Мило Богертс од Алијанц.

Аналитичарите очекуваат цените на билетите да се зголемат во просек за 21 отсто оваа година, а превозниците да го удвојат својот профит од 2021 година. Сепак, тоа не е доволно за да се покријат загубите во 2020 година.

Повеќето авиокомпании може да очекуваат враќање на профитот дури следната година.

Во исто време, авиокомпаниите со повисоки варијабилни трошоци, како што се оние за гориво, не сакаат да ги зголемат фискалните, на пример за платите, и не сакаат да ги вратат работните места изгубени за време на заклучувањето на пандемијата, претпочитајќи да страдаат поради недостигот на персонал.

Последиците се јасни: „Откажувањата на летовите ќе зачестуваат долго време, без разлика што тоа им го расипува расположението на луѓето кои бараат одмор“.

Авторите на студијата проценуваат дека поради сето ова железницата се повеќе ќе му конкурира на воздушниот сообраќај, особено во рамките на Европа.

Аеродромите со проблеми пред летото – летовите се понеизвесни

Чекањето за климатско неутрални авионски мотори очигледно ќе потрае, а на презадолжените компании во меѓувреме им недостигаат пари да купат нови авиони со поекономична потрошувачка на гориво.

Мандатот на политичарите за проширување на употребата на одржливи горива само дополнително ќе ја зголеми цената на авионското гориво и ќе ја намали профитната маржа на авиокомпаниите. Така, најверојатно возовите можат да имаат предност пред авиолетовите.