Билионер – категорија на богат човек која е проблематична дури и за пресметување за обичните граѓани, но секогаш интересна за анализа. Пред се, од аспект на тоа кои се луѓето кои се богати, и кои на пример први ќе станат токму билионери!

Exchange photo created by rawpixel.com – www.freepik.com

Кога беше објавен првиот милијардер во 1916 година, оваа колосална бројка секако изгледаше понеостварлива отколку што е денес.

Сепак, 83 години подоцна, титулата прв центимилионер (100 милијарди американски долари) му беше доделена на Бил Гејтс, на кој му се придружија уште осуммина кои претежно живееле во САД и работеле во технолошкиот сектор.

Денес најмногу ги „мериме“ милијардерите, а Форбс и Блумберг редовно ни помагаат да видиме кои се најбогатите луѓе во светот и колкав имот имаат. Студијата на Apruve, водечката платформа за тимови за финансии и набавки, предвидела, од друга страна, година во која најбогатите во светот ќе достигнат пресвртница наречена – билион долари, пренесува Investor.

До прв билионер најблиску Илон Маск – „титулата“ ќе ја достигне во 2024

Истражувањето ја анализираше нето вредноста и годишната стапка на раст на најбогатите поединци за да ги предвиди нивните перформанси во следните 30 години. Сепак, проценката секогаш се поврзува со одредена неизвесност, поради што вреди да се обрне внимание на трката  на билионери во наредните години.

Фото: bussinesinsider

Во првите 10 од клубот од милијарди долари претежно доминираат мажи од технолошкиот сектор, вклучувајќи ги основачите на Google, Лери Пејџ и Сергеј Брин. Исклучок од ова правило е Бернард Арно, претседател и извршен директор на LVMH на четвртото место, кој е единствениот претставник од светот на модата во топ 10 најбогати.

Лидер во трката за прв билионер е директорот на Tesla и основач на Space X, Илон Маск. Со сегашна нето вредност од 263 милијарди американски долари и годишна стапка на раст од 129 отсто, Маск би требало да стане билионер во следните две години и на 52-годишна возраст.

Џеф Безос од Амазон имаше шанса да стане првиот билионер, но сега се предвидува дека тоа ќе го достигне дури во 2030 година, шест години по Маск.

Најбогатите жени на светот – кои се и како се збогатиле?

Гаутам Адани и Џанг Џиминг се очекува да бидат следните кои ќе заработат повеќе од трилион американски долари по Маск, според оваа студија. До 2026 година, Џиминг ќе има 42 години, што ќе го направи најмладиот во оваа категорија богати луѓе.

Очекувани први билионери во светот:

Илон Маск: моментална нето вредност: 263 милијарди долари; очекувана година: 2024.

Гаутам Адани: моментална нето вредност: 93 милијарди долари; очекувана година: 2025.

Џанг Џиминг: моментална нето вредност: 59 милијарди долари; очекувана година: 2026.

Бернард Арно: моментална нето вредност: 186 милијарди долари; очекувана година: 2029.

Мукеш Амбани: моментална нето вредност: 97 милијарди долари; очекувана година: 2029.

Џеф Безос: моментална нето вредност: 188 милијарди долари; очекувана година: 2030.

Лери Пејџ: моментална нето вредност: 119 милијарди долари; очекувана година: 2032.

Сергеј Брин: моментална нето вредност: 115 милијарди долари; очекувана година: 2032.

Стив Балмер: моментална нето вредност: 99 милијарди долари; очекувана година: 2032.

Мајкл Дел: моментална нето вредност: 60 милијарди долари; очекувана година: 2033 .