Марихуаната бележи благ пораст во употребата на дроги кај младите во Макеоднија, а стапката на употреба на дроги и натаму е помала од европските.

Најновите податоци за употребата на дрога кај младите  направени од ESPAD во 2019 година, покажуваат дека  преваленцата на употреба на дроги кај 16-годишните ученици во Северна Македонија е значително помала отколку европските стапки.

Податоците од сите ESPAD студии спроведени во Северна Македонија (1999, 2008, 2015 и 2019 година) покажуваат дека нивото на доживотна употреба на канабис кај учениците на возраст од 15 до 16 години не е значително променето, со само благ пораст во текот на годините: 4,5 % во 1999 година, 5,5 % во 2008 година, 5,0 % во 2015 година и 6,1 % во 2019 година.

Анкетата била направена на 16 годишни ученици, кои анонимно одговарале на претходно подготвен прашалник. Вклучени биле учениците запишани на редовни, стручни, општи или академски студии, додека оние кои биле запишани во специјални училишта или во посебни паралелки за ученици со потешкотии во учењето или тешки попреченостите биле исклучени.

ЕУ и марихуаната – Кои земји се толерантни, а во кои канабисот е забранет?

Пандемијата придонела за пораст на бројките на корисниците на дрога

Податоци од Европското веб истражување за дроги (EWSD; EMCDDA, 2021a, 2021b), спроведено во 2021 година за време на пандемијата COVID-19, покажува дека повеќето од 354 испитаници користеле хербален канабис (90 % во последните 12 месеци), додека други лекови користеле не повеќе од 40 % од испитаниците. Повеќето од сегашните корисници на хербален канабис рекоа дека ја користеле марихуаната за да го намалат стресот или да се релаксираат. Околу половина од корисниците рекоа дека користат хербален канабис за да си поминат убаво на забава, да го подобрат сонот или да се дружат.

Според испитаниците, 77%  употребувале дроги во своите домови, по што следи јавен простор (54 %). Дрога се користело и во  клуб/бар и на музички фестивал или забава  кај 39 % од испитаниците.

Марихуаната присутна, но и нови психоактивни супстанци во анкети

Според наодите од истражувањето на општата популација, доживотната преваленца на употребата на НПС останува ниска (0,6%). Минатогодишната преваленца на употребата на НПС беше 0,6 % кај општата популација на возраст од 15-64 години и 1,1 % кај младите возрасни. Меѓу шеснаесетгодишниците, употребата на НПС во Северна Македонија е најниска во Европа. Околу 1 % во споредба со европскиот просек од 3,4 % (ЕСПАД Група, 2020 година):