Не се наоѓате на МИТ Бостон, не сте на Стенфорд, не сте ниту на Институтот за Технологија во Калифорнија, туку сте на Универзитетот „Гоце Делчев“ во Штип, но сепак сте на еден елитен универзитет – вака го почна својот говор ректорот на Универзитетот „Гоце Делчев“ од Штип на денешното доделување дипломи на докторите на науки од овој универзитет.

Пред да ги прогласи за доктори на науки, ректорот на УГД Блажо Боев, истакна дека овој Универзитет е во топ 10% универзитети во целиот свет. Денес на УГД беа промовирани 20-тина доктори на науки, кои изминатиот период докторирале, а поради Корона протоколите не можеа да ја имаат својата промоција.

Во продолжение ви го пренесуваме делот од говорот на ректорот Боев.