На 1 и 2 ноември 2024 година во Југословенската кинотека во Белград, Србија се одржа Brave New Media Forum 2024 (BNMF), значаен собир во медиумската сфера кој ги обединува новинарите, активистите и експертите од регионот.

Клучните теми на настанот, оваа година беа фокусирани на медиумската индустрија во иднина, како што се иновациите во медиумите, етиката и безбедноста на новинарите, употребата на вештачка интелигенција во новинарството, важноста на младите новинари, воведување на генеразијата Z во светот на новинарството, како и дискриминацијата на жените во медиумите.

Тимот на Гоце.мк веќе трета година е дел од настанот каде што и оваа година имаше можност да ја презентира својата работа пред колегите од странство и да склучи важни соработки кои се важни за понатамошен развој на нашиот медиум.

Новинарска награда за стории од загаден воздух за ГОЦЕ.МК

Brave New Media Forum 2024 – форумот, кој се одржува во рамките на програмата #SustainMedia, служи како важна платформа за размена на знаења и искуства, како и зајакнување на соработката меѓу медиумите од Западен Балкан и Европа.