Бројот на млади меѓу двата пописи, оној од 2002 и последниот од 2021 година, се намалил за шест отсто, покажаа анализите од  „Младите и пописот на населението“ и „Финансирање на младинските политики“ кои денеска беа промовирани во рамки на конференцијата „Младински состојби и финансирање на младинските политики во Северна Македонија”, организирана од Фондацијата за демократија на Вестминстер (ВФД).

Фото: МИА

Според Законот за млади, 0,3 отсто од вкупниот Буџет на државата треба да се издвои за спроведување на политики за млади, како и 0,1 отсто од буџетот на секоја општина, но тоа не се случува во пракса, потенцираат истражувачите. Сугерираат и дека Агенцијата за млади и спорт, која располага со овој буџет, повеќе пари наменува за спорт, отколку за спроведување наполитики за млади

Изгубениот патриотизам кај младите во Македонија

Буџетот за млади е мал, ним им треба и подобро образование, инфраструктура…

– Буџетот за млади е занемарлив во однос на буџетот кој се издвојува за спорт. Со Законот, секоја локална младинска самоуправа требаше да има формирано локален младински совет, но само шест се формирани, од вкупно 81 локална самоуправа. За жал младите во само осум општини можат да одат и да посетат младински центар затоа што во другите не постојат – вели Дона Костуранова, директор во Македонија за фондација за демократија на Вестминстер смета дека ако сакаме да ги задржиме младите во земјата, да им понудиме можности и иднина, мора да се инвестира во политики за млади и подобрување на нивниот квалитет на живот.

– Кога ќе ги прашаме младите што сакаат да се подобри, дознаваме дека покрај квалитетните работни места, нив важно им е да се подобри и образованието, инфраструктурата, грижата за животната средина, спортот и рекреацијата и други теми – додава таа.

Дона Костуранова
Фото: CiVil

– Буџетот за млади, односно средствата со кои располага Агенцијата за млади и спорт, а се наменети за млади,  се многу мал дел од вкупните расходи на агенцијата и тука сметаме дека треба да се зајакнат капацитетите како финасиски, така останатите капацитети на Агенцијата. Голем дел од телата и сервисите наменети за младите не постојат, не е донесена стратегија за млади, не функционира советоадвно тело, не постои истражувачки центар, а ова се се сервиси и тела кои Законот ги предвидува. Мал дел од општините издвојуваат од своите буџети 0,1 отсто за млади и сметаме дека ова треба ургентно да се промени. Дел од причините заради ваквата состојба е тоа што Законот за млади не сорджи рокови во којшто општините треба да ги исполнат обврските– Катерина Шапкова – Коцевска, автор на студијата за „Финансирање на младинските политики“.

Фото: Politika.rs

77.000 млади луѓе родени во Македонија веќе не се резиденти

Петар Бардакоски претседател на Младински образовен форум, еден од авторите на анализата за млади и попис, вели дека она што оваа анализа го покажува е тоа дека Македонија има сериозен проблем кога станува збор за младинската миграција, задржување на младинското население, но и општото стареење на самото население.

– Според она што го увидовме од самите податоци кога би направиле споредба со Пописот од 2002 година вкупниот број на млади изнесува 24 отсто, а сега според пописот од 2021 година, 18 проценти, што претставува пад од 6 отсто. Меѓутоа, 77.000 млади луѓе кои биле родени во оваа држава повеќе не се резиденти. Имаме огромен пад на младинското население во општините, скоро сите бележат пад на младинското население, освен Општина Липково каде што имаме пораст од 2 проценти. Во однос на тоа каде живеат младите луѓе 58 проценти од младите луѓе во сдржавата живеат во урбани средини, додека 42 отсто живеат во рурални средини – вели Бардакоски.

Институциите да најдат адекватен пристап од младите

Според него, она што треба да го направи државата за да ја спречи младинската миграција е да донесе долгорочна стратегија која ќе придонесе за намалување на миграцијата, а ќе предвидува подобрување на образованието, вработувањето и општата функционалност на самите институции.