OpenAI повеќе нема да бара креирање на корисничко име за користење на ChatGPT, бесплатната платформа за вештачка интелигенција на компанијата. Ова се однесува само на ChatGPT, бидејќи другите производи на OpenAI, се плаќаат и сè уште ќе бараат креирање корисничко име за пристап.  „Ова го објавуваме постепено, со цел да ја направиме вештачката интелигенција достапна за сите љубопитни за нејзините способности“, објавија OpenAI во блог пост.

Откако ChatGPT првпат се појави на крајот на 2022 година, заинтересираните корисници мораа да се регистрираат за OpenAI сметка. Компанијата додаде платени претплати за пристап до производи како DALL-E 3 и повеќе напредни модели. На корисниците ќе им треба сметка за зачувување и прегледување на историјата на разговори, споделување разговори и говорни разговори.

Повеќе од 100 милиони луѓе во 185 земји користат ChatGPT неделно. Следачот на сообраќај SimilarWeb откри дека ChatGPT, со околу 1,6 милијарди посетители во февруари, останува најпосетуваната страница за разговор со вештачка интелигенција. Сепак, неговиот сообраќај е малку намален од највисоките достигнувања во мај 2023 година, кога бројот на проценети посети надмина 1,8 милијарди.

Што нѐ очекува во 2024 година на полето на вештачка интелигенција?

OpenAI рече дека вовел „дополнителни заштитни мерки за содржината за ова искуство“, вклучително и блокирање известувања во поширок опсег на категории, но не објасни повеќе за тоа што се овие категории. Опцијата за откажување од обуката за модели сè уште ќе биде достапна, дури и за оние кои немаат сметки. Корисниците на ChatGPT можат да менуваат дали нивната активност на ChatGPT може да се користи за обука на моделите со вештачка интелигенција на OpenAI.

Во меѓувреме, другите производи на OpenAI, како што е новонајавената услуга за клонирање глас со вештачка интелигенција Voice Engine и платформата за создавање видео Сора, остануваат достапни само за ограничен број корисници и партнери и не се дел од поволностите за поседување OpenAI сметка.

Текстот е изработен од страна на средношколци практиканти од СОУ Коле Нехтенин – Штип, како дел од соработка меѓу ГОЦЕ.МК и средните училишта.

Автор: Антониа Симјоновска