Кога станува збор за начинот на учење, мислењата на студентите се поделени. Дел од нив избираат да учат во своите соби и домови, но и голем дел преферираат да ги користат студентските читални како место кое им нуди поголема тишина и комфорт при учењето. Но, дали студентските домови и читалните  го задоволуваат капацитетот да им овозможат место на сите студенти во градот?

Библиотекарката Сузана Стојанова од НУ-У Библиотека „Гоце Делчев“-Штип вели дека во текот на академската година студентските читални постојано се користат, а особено од странските студенти. Студентите избираат да учат во студентските читални бидејќи им се нуди поголема концентрација.

Сузана Стојанова

Предност е што во Библиотеката веќе има одредени стручни литератури кои им се достапни во секое време на студентите. Голем број од нив одбираат да учат во студентските читални токму и поради користењето на разновидната литература при спремањето на испити.

Читалните бносат бенефит при учењето

Услов за посетување на студентските читални во Библиотеката е поднесување на годишна членарина од 250 денари.

„Често ги користам студентските читални во Библиотеката и погодно е тоа што на дофат ја имам и стручната литература. Учењето во читални е од полза за студентите кои делат станови со цимери или пак се во студентски домови, па за нив учењето дома не е опција. Ми се допаѓа и тоа што има посебни простории каде можес да учиш сам и на глас да ја повторуваш материјата без да пречиш на некого.Поради ваквата ефикасност на читалните , сметам дека треба да постојат повеќе вакви опции во Штип.“, вели студентот Томислав Боровичанин.

Томислав Боровичанин

Студентите се согласни дека постоењето на читалните има поголем бенефит за нив и затоа треба повеќе вакви места да им бидат достапни. Тие бараат и постоење на посебни студентски читални на самите Кампуси, каде ќе може да учат.

„Бенефитите од поминување на повеќе време во читална значат и поголема фокусираност на учењето, бидејќи сте опкружени со луѓе кои учат и сите дистракции се сведени на минимум.Отварањето на нови читални би значело поголем простор за студентите бидејќи знаеме дека за да има ефект учењето потребен е простор и средина погодна за учење.Нашата читална не ги задоволува потребите бидејќи нашиот факултет брои голем број на студенти.Би било одлично доколку читалните за време на испитните сесии и колоквиуми бидат отворени со подолго работно време бидејќи така би привлекле повеќе студенти во читалните, знаејќи дека голем број од студентите ги спремаат испитите во групи.“, вели студентка.