Потребно е младите да се вклучуваат што повеќе во креирањето на политики. Важно е младите да бидат активни и дел од процесот за пристапување кон ЕУ.

Ова се дел од заклучоците од втората дебата на Институтот за добро управување и евроатлански перспективи насловена „Младите се во ЕУ“. На дебатата беше потенцирано дека од членството во ЕУ бенефит ќе имаат сите, а со тоа и младите. Една иницијатива која ја сподели пратеничката Моника Зајкова, беше и иницијата за намалување на роамингот за нашите граѓани.

За да слушате целиот текст и со заклучен телефон кликни овде:

Токму затоа, лично јас, но и сите пратеници од Клубот на млади пратеници ги очекуваме со нетрпение вашите конкретни иницијативи со цел да дадеме поддршка и конкретен придонес за нивно спроведување, рече Зајкова.

Иселувањето на младите е и поради тоа што тие немаат активност и улога во носењето на одлуки, вели Александар Ивановски, директор во CFE Tax Advisers Europe (Европска Асоцијација на даночни советници).

-Практично, преку овие проекти се обидуваме да дадеме директна шанса за вклученост на младите, да имаат тие своја улога во целиот процес. Пример, преку посети на Брисел, различни идеи за активности и проекти за кои дискутиравме на оваа и на претходната средба со младите луѓе кои сакаат да бидат вклучени во процесите преку невладините организации.

Комуниколог и претседател на ИДУЕП, Бојан Кордалов нагласува дека е важно за целото општество е сите партии, да бидат обединети за младите луѓе.

-Секогаш кога се зборува за младите луѓе, нивниот стандард, нивната перспектива тие да бидат ставени во средиштето и да им се даде шанса да ги креираат политиките. Сакам да испратам порака и надеж дека ваков пример ќе следат сите институции и навистина ќе можеме заедно да предизвикаме промени.

Анкети: Младите сакаат да учат во земјите од ЕУ

Анкетите покажуваат дека мотивацијата и желбата кај младите да учат и стекнат работно искуство во некоја од земјите од ЕУ е огромна што е за поздравување, но она што загрижува е дека бројот на млади кои би сакале да се вратат дома и понатаму е многу мал, односно речиси незабележителен, рече Кордалов.

Викторија Постоловска, активистка и досегашна студентска правобранителка при УКИМ, смета дека соработката на различните општествени фактори е клучна за да се допре до младите, меѓутоа на крајот токму младите луѓе се тие кои треба да го препознаат ова и да работат во насока на одлучување и креирање на општеството.

Александар Николовски, досегашен претседател на ФСС на Економскиот факултет при УКИМ изрази уверување дека тие како млади луѓе можат многу да придонесат во промената на општеството и системот, но од несогледливо значење за тоа е поддршката од сите оние кои ја спроведуваат политиката односно се главни чинители во креирањето на политики.

Да се намалат давачките за нови бизниси, фокус на барањата на младите, размена на идеи со ЕУ…

Како дел од иницијативите и проектите кои заеднички ќе се иницираат во следниот период беше споменато и  „ЕУ менторство за млади луѓе“.

Станува збор за активација на поголем број млади луѓе преку младинските организации со придонес во евроатлантските интеграции, зајакнување на процесот на дигитализација, намалување на процедурите и укинување на давачките за млади луѓе да отворат и отпочнат свои бизниси, зголемена културна понуда и размена младински културни иницијативи од ЕУ, намалување на дневната партиска политика и фокусирање на младите и нивните барања од страна на институциите и политичарите, вклучување на младите во заклучоците од „Жан Моне“ дијалогот, иницијатива за повеќе младински медиумски активности.