Сѐ повеќе млади се зависни од дигиталните уреди. Скоро и да нема период од денот без да го поминат на своите телефони или лаптопи. Но, како ова може да влијае на нивното здравје и што точно претставува дигитална зависност? Во областа на медицината и менталното здравје, анхедонија е уништување на центарот за задоволство во мозокот што не дозволува човекот да доживее задоволство од  малите животните работи. Кога младите се изложени на дигитални уреди и технологија, тие често стануваат зависни, оставајќи ги да сакаат повеќе. Анхедонија го отстранува задоволството од едноставните работи во животот, оставајќи ја личноста да се чувствува празно. Доколку постои зависност, повлекувањето од дигиталната технологија ќе доведе до раздразливост, фрустрација и други емоции кои редовно се наоѓаат во зависностите од дрога. Д -р Харт верува дека во 21 век 80% од населението до одреден степен страда од анхедонија.

Photo by Andrew Neel on Unsplash

Доколку сакате да прочитате неколку совети за правилно користење на технологијата кога станува збор за дете посетете го линкот: https://goce.mk/deczata-rastat-pred-monitori-kako-da-izvlecheme-korist-od-toa/

На пример, кога правиме нешто во што уживаме – како што се играњето  видео игри, – мозокот ослободува малку допамин и се чувствуваме добро. Но, едно од најважните откритија во областа на невронауката во изминатите 75 години е дека задоволството и болката се обработуваат во истите делови на мозокот и дека мозокот напорно се обидува да ги одржува во рамнотежа. Веднаш штом ќе се ослободи допамин, мозокот се прилагодува на него со намалување или „регулирање“ на бројот на стимулирани рецептори на допамин. Ова предизвикува мозокот да се израмни со вртење на страната на болката, поради што задоволството обично е проследено со чувство на мамурлак. Ако можеме да чекаме доволно долго, тоа чувство поминува и неутралноста е вратена. Но, постои природна тенденција да се спротивставиме со тоа што ќе се вратиме на изворот на задоволство за друга доза. На тој начин настануваат зависностите.

Во интервју со психијатар за Wall street journal, таа ни открива детали за случај на 20 годишно момче, кое страда од депресија и анксиозност, а речиси цел ден го поминува во играње видео игри.

“Во текот на мојата кариера како психијатар, видов сѐ повеќе и повеќе пациенти кои страдаат од депресија и анксиозност, вклучително и здрави млади луѓе со здрави односи во семејството, елитно образование и релативно добра економска состојба. Нивниот проблем не е траума, социјална дислокација или сиромаштија. Тоа е премногу допамин, хемикалија произведена во мозокот која функционира како невротрансмитер, поврзана со чувството на задоволство и награда. Па така, наместо да му препишам антидепресиви, грешка која порано би ја направила, му предложив да се воздржи од сите екрани, вклучително и видеоигри, еден месец.”

Затоа од круцијална важност е да се внимава на пристапот до дигитални уреди на децата уште од мали нозе за да не дојде до зависност во адолесценцијата.

Photo by Alexander Shatov on Unsplash