Насловот на овој текст е главната поента на новиот филм на Леонардо Ди Каприо насловен како “Don’t look up”. Филмот е црна комедија која зборува за политизарноста и поделеноста на општеството.

Сцена од филмот каде научниците јасно ја гледаат кометата која се наближува

Адам Мекеј е режисерот на овој филм и според неговите зборови тој бил инспириран токму од таа реченица дека ќе дојде еден ден кога комета ќе удри на земјата и никому нема да му е гајле за тоа.

Филмот зборува за комета која е со големина доволна да ја уништи нашата планета, а која е откриена од професорот Минди (Леонардо Ди Каприо) и неговата асистентка Кејт Дибијаски (Џенифер Лоренс). Нивниот напор да го убедат човештвото дека кометата е најголемата закана за човештвото досега не вродува со плод. Политичарите повеќе им е гајле да победат на избори отколку вистински да ги решаваат проблемите, а бизнисмените најважно им е колку ќе профитираат од тоа.

Филмот ќе ве засмее, ќе ве шокира и ќе ве изнервира. Ова е редок кој филм кој предизвикува толку мешани чувства. Деновите на празниците обично се добри за гледање филм. Искористете ги да го погледнете филмот кој е своевидна критика на модерното општество, нешто што секојдневно го гледавме со пандемијата. Состојба во која некомпетентни луѓе заведуваат маса на луѓе против официјалната наука.