Долги години најзначајни економски партнери на Република Северна Македонија се неколку земји на кои оди најголем дел од трговската размена. Огромен дел од нашиот увоз и извоз оди со Германија и со Велика Британија.

Фото: Википедија

Според податоците на Државниот завод за статистика во периодот јануари – декември 2021 година, според вкупниот обем на надворешнотрговската размена, Република Северна Македонија најмногу тргувала со:

• Германија
• Велика Британија
• Србија
• Грција
• Кина

Изразено во евра, вкупната вредност на извозот на стоки од Република Северна Македонија, во периодот јануари – декември 2021 година, изнесува близу 7 милијарди евра и бележи пораст од 19.8 % во однос на истиот период од претходната година. Вредноста на увозот изнесува близу 10 милијарди евра што е за 26.9 % повеќе во споредба со истиот период од претходната година. Дефицитот изнесува близу 3 милијарди евра.

Дали би прифатиле работа во Германија?

Според статистика Македонија најмногу извезува:

• катализатори на носачи со благородни метали или нивни соединенија
• сетови на проводници за палење и слично
• проводници за возила, авиони или бродови, делови на седишта и фероникел

Најмногу се увезува:

• други метали од платинска група и нивни легури необработени или во облик на прав
• нафтени масла и масла добиени од битуменозни минерали (освен сурови)
• платина и легури на платина, необработени или во прав
• керамички производи за лабораториска, хемиска и индустриска употреба.