Електронско аплицирање овозможи МОН за основците кои годинава ќе се запишуваат во средно училиште, преку https://e-uslugi.mon.gov.mk

Со цел оптимизирање на целокупниот процес на уписи во средните училишта во Република Северна  Македонија, Министерството за образование и наука  и оваа година преку дигитална услуга ќе Ви овозможи електронско аплицирање кое нема да Ви одземе повеќе од 15 тина минути.

Пријавувањето на учениците ќе се врши преку линк до порталот за електронски услуги на Министерството за образование и наука  https://e-uslugi.mon.gov.mk  со специјална најава за средношколци преку сопствените кориснички сметки на schools.mk.

Регистрација на системот нема да биде потребна и најавата ќе се врши исклучиво со корисничките сметки на schools.mk .

Упатството за логирање/ најава во системот и пополнување на пријавата ќе биде поставено со линк на страната за логирање/ најава.

За првото пријавување на учениците во конкурсниот рок, порталот ќе биде отворен од 10.06.2023 година  во 10.00 часот. Учениците ќе може да ги пополнуваат своите пријави заклучно со 21.06.2023 година најдоцна до 15.00 часот. После тоа системот ќе биде затворен за онлајн аплицирање од ученици.

Одлични ученици насекаде, освен на меѓународните тестови!

Додека системот за аплицирање е достапен за , тие ќе можат да вршат ажурирање, измени и  дополнувања на своите пријави. Исто така, ќе имаат увид во вкупниот број на поени од успехот, без поените од дипломите.

Валидација на дипломите и внесување на поени од дипломите вршат комисиите од средните училишта.

Прелиминарната ранг листа на запишани ученици се објавува на 22-ти  јуни 2023 година на  www.mon.gov.mk,  најдоцна до 09:00 часот.

Доставувањето на потребната документација  до училиштата е на 22-ти  јуни од 12.00 часот до 19.00 часот и на 23-ти  јуни од 07.00 часот до 19.00 часот, согласно изготвен распоред од страна на училиштето.