Еразмус е програма за академска размена која започнала  во 1987 година и која денес нуди незаборавно искуство.

УГД Штип неколку години успешно ја реализира Еразмус програмата со европските партнер универзитети.Централен дел на оваа програма е размена на студенти и вработени на УГД Штип помеѓу универзитетите. Во зависност од договорот, студиската размена може да се реализира во период од шест или дванаесет  месеци.

Автор на текстот: Божидар Доневски

Неодамна УГД Штип беше домаќин на дваесет студенти од петнаесет универзитети :

• – Седум универзитети во Шпанија /University of Acoruna,University of Alcala,Universidadde de Oviedo,Universidad  de Santiago de Compostela, Pontifical university of Salamanca, University of the Basque country, Polytechnic  university of Cartagena /
• – Четири универзитети во Турција / Zonguldak Bulent Ecavit university, Ordu university, Muss Alparslan university, Mus Alparslan  Universitesi /
• – Два  универзитета од Италија / University of Piza , University of Sassari /
• – Еден универзитет  од Германија / Hajurich – Heine univerzitaet /
• – Еден универзитет  од Полска / Nicolaus Copernicus University/

Странските студенти на УГД

Наставата и за нив ќе се изведува на хибриден начин.

Програмата за студентска мобилност и мобилност на вработените нуди можност за незаборавно искуство,стекнување на нови пријателства , како и запознавање со различна култура и традиција.

Средбата со Абдулбаки Дурсун ми беше многу пријатна и непосредна.Тој беше љубезен и се согласи да подготвам кратко интервју со него.

Абдулбаки Дурсун

Од каде доаѓате, што студирате и на кој универзитет ?

– Јас доаѓам од Турција, студирам англиски јазик на  Универзитет ,,Mus Alparslan“. Сакам да бидам професор по англиски јазик и да добијам лиценци што ќе ги користам за приватни  часови, но и да заминам во странство.

Зошто ваш избор по Еразмус програмата беше  УГД Штип ?

– Всушност јас не барав совршено место.Македонија ми се виде најдобра и не толку поразлична од Турција / освен културата на исхрана и социјалните активности во Штип /. Ова ми е прв пат да бидам надвор од мојата држава и една неверојатна авантура за мене.Овде запознав многу луѓе, студенти од Еразмус програмата од други држави и неколку македонски пријатели. Планираме да организираме патување низ Македонија пред да ни завршат активностите на факултетот.Тоа ќе биде одлична можност за сите нас.Навистина сум благодарен на целиот тим за реализирање на Еразмус програмата и за избор на балканска земја

Кои се вашите импресии од градот Штип и од граѓаните на Штип ?

– Штип навистина не нуди многу можности за студент, но сепак со пријателите секаде е забавно. Се трудам да бидам позитивен, но вистина е дека главно остануваме дома, планирајќи го нашето следно патување, затоа што веќе завршивме се што можеше да се направи во Штип. Што се однесува до граѓаните, тука има голем број на Турци.Тоа беше шокантно за мене, бидејќи јас мислев дека овде би зборувал повеќе анлиски јазик отколку во Турција, но навистина е обратно. Би бил среќен ако некои локални жители/ сопственици на продавници и возачи /знаат англиски јазик.. некои знаат турски..што е добро. Но, во  рестораните, баровите и маркетите понекогаш ни претставува проблем.