Сојузот на математичари на Македонија, оваа година по седми пат организира Есенска математичка школа. Таа е наменета за учениците од 4 до 9 одделение од основните и од 1 до 4 година од средните училишта.

       Оваа година, предавањата на школата ќе бидат во три дела – тематска настава, олимписка математика за јуниори и олимписка математика за сениори. Предавањата ќе се одржуваат во саботите во текот на месеците октомври, ноември и декември 2025 во просториите на Природно-математичкиот факултет во Скопје, а предавачи ќе бидат универзитетски професори по математика, истакнати наставници по математика од основните и средните училишта и поранешни натпреварувачи на олимписките натпревари по математика.

Секој редовен ученик-учесник на Школата, ќе добие сертификат за учество, а најдобрите на завршниот тест за тематската настава ќе добијат и дипломи за постигнатиот успех на тестот.

Повеќе информации за Есенската математичка школа 2025, датуми и термини на предавањата, како и информации за пријавување учество на школата ќе најдете на следниот линк .

Предавањата ќе се реализираат во три дела:

ПРВ ДЕЛ (тематска настава)Учесници: ученици од 4 до 9 одд. и ученици од 1 до 4 год.

Датуми на предавањата: 4, 18, 25 октомври, 1 и 8 ноември 2025 год.
Датум на полагање завршен тест : 23 ноември 2025 год.
Место: Природно-математички факултет, Скопје
Делот од школата именуван како тематска настава е наменет за сите ученици кои ја сакаат математиката и сакаат да ги откриваат убавините на математиката со продлабочување на постоечките знаења и стекнување нови знаења и вештини. Наставата ќе се реализира во 20 часа, по што следи завршен тест. Секој редовен ученик-учесник на Школата ќе добие сертификат за учество. Најдобрите на завршниот тест ќе добијат и дипломи за постигнатиот успех на тестот.

МОН ќе помага средношколци на меѓународни олимпијади

Есенската математичка школа се организира по седми пат

ВТОР ДЕЛ (олимписка математика за јуниори)
Учесници : ученици од 7 до 9 одд.
Датуми на предавањата: 15, 22, 29 ноември, 13 и 20 декември 2025 год.
Место: Природно-математички факултет, Скопје
Делот од школата именуван како олимписка математика за јуниори е наменет за учениците кои се натпреваруваат по математика, добитници се на награда на државниот натпревар по математика во 2025 година и сакаат да стекнат вештини и знаења потребни за натпреварите од олимписки карактер. Наставата ќе се реализира во 20 часа. Секој редовен ученик-учесник на Школата ќе добие сертификат за учество.

 

Дамјан Давков со прво злато за Македонија на математичка олимпијада

ТРЕТ ДЕЛ (олимписка математика за сениори)
Учесници : ученици од 1 до 4 год.
Датуми на предавањата : 4, 18, 25 октомври, 1, 8, 15, 22, 29 ноември, 13 и 20 декември 2025 год.
Место: Природно-математички факултет, Скопје
Делот од школата именуван како олимписка математика за сениори е наменет за учениците кои се добитници на медал (злато, сребро или бронза) на Македонската математичка олимпијада 2025 или медал (злато или сребро) на Јуниорската македонска математичка олимпијада 2025. Наставата ќе се реализира во 40 часа. Секој редовен ученик-учесник на Школата ќе добие сертификат за учество.

Краен рок за пријавување: 24 септември 2025 год.