Новиот филм на NETFLIX за Мерилин Монро „Blonde” содржи експлицитна сцена во која холивудската дива е брутално силувана од претседателот Џон Ф. Кенеди, што вознемири некои гледачи.

Фото: YouTube

Филмот во кој глумат Ана де Армас, Адриен Броди, Боби Канавале, Ксавиер Семјуел, Каспар Филипсон и Џулијан Николсон, неодамна беше објавен во кината и треба да стане достапен за гледање на Нетфликс на 28 септември 2022 година.

Иако филмот прикажува некои реални аспекти од животот на покојната актерка, поголемиот дел од заплетот е всушност заснован на измислениот роман на Џојс Керол Оат од 2000 година.

Филмот предизвика бурни реакции откако во август доби категорија NC17, што значи дека децата под 17 години не можат да го гледаат филмот, дури и под надзор на возрасен.

Меѓутоа, сега е откриено дека филмот содржи повеќе прикази на сексуален напад и насилство – вклучително и застрашувачка измислена сцена во која ЏФК, кој го игра Филипсон, ја принудува актерката да изврши орален секс со него пред да ја силува.

Мерилин потоа се буди во кревет со модринки по целото тело и оди во тоалет за да повраќа.

Мерилин Монро предмет мна силување во новиот филм „Blonde“

Vulture го опиша моментот како „неверојатно напнат, вознемирувачки, крајно непријатен и експлоататорски“, додека луѓето на Твитер го нарекоа „гаден“ и „непотребен“.

„Немам ништо против биографски филмови кои се наклонети кон фикција, но измислувањето сцени со силување за да се додадат на приказната што треба да ја критикува сексуализацијата е едноставно погрешно“, напиша еден корисник на Твитер.

„Жената е мртва, а вие го користите тоа како изговор за да ја покажете гола половина од времето и да го направите практично порно“, додаде друг.

“The Crown” ја зголеми популарноста по смртта на Кралицата

„Сцената со силување во “Blonde” не е за доброто на уметноста. Тоа е чиста измислица на нештата во животот на една мртва жена која еднаш рече дека не сака луѓето така да се шегуваат со неа“, забележа трет.

Филмот, наводно, содржи и сцена во која филмскиот продуцент Дерил Ф. Занук ја силува Мерилин.

Режисерот Ендрју Доминик претходно го бранеше филмот за Screen Daily, велејќи: „Тоа е филм кој бара многу. Ако на публиката не му се допаѓа, тоа е нивен проблем“, рече тој.