Франција ќе го освои Светското првенство во фудбал во Катар, покажува анализата на суперкомпјутерот The Analyst, кој се занимава со спортски анализи.

Суперкомпјутерот The Analyst кој се занимава со спортски анализи предвиде дека француската фудбалска репрезентација ќе го освои Светското првенство во Катар кое ќе се игра на крајот на годината. Светското првенство во Катар ќе биде единствено по многу нешта. Првпат ќе се игра во зима, а на сите натпревари првпат ќе биде домаќин еден град. Се разбира, тоа е Доха.

Откако ќе се дознаат сите учесници на Мундијалот, се прават групни анализи и се даваат прогнози за фаворитите.

Така, суперкомпјутерот на The Analyst излезе со предвидувања за целиот турнир. Аналитичарот користел алгоритам кој илјада пати ја симулирал конкуренцијата и пресметал дека Франција е најголемиот фаворит за освојување на светската титула.

Зошто Мундијалот во Катар е контроверзен уште пред да започне?

Тоа би значело дека Франција ќе стане само третата репрезентација (Италија во 1934 и 1938 година и Бразил во 1958 и 1962 година) која успеала да ја одбрани светската круна бидејќи во финалето во Русија ја победи Хрватска (4:2). Бразил е втор фаворит, а Шпанија трет. Хрватска е десетта.