Пред да го запознаеме светот, најпрво треба да ја запознаеме сопствената татковина. Затоа обидете се да посетувате изложби кои ќе ви го откријат богатствотона Македонија. Еве ви една препорака – во Музејот на македонската борба за самостојност е поставена изложбата „1.000 години Бигорски манастир“. Изложбата е посветена на Бигорскиот манастир, реализирана е во соработка со ансамблот „Македонија.

Дел од изложените материјали се и осум олтарни, две чудотворни, две тронски икони, кивот од капакот на моштите, како и особено драгоцени и вредни предмети од 18, 19 и 20 век – митра, игуменски крст, епетрахил, жезол, рипиди со среафими, истакнуваат од Музејот.

Посетителите можат да ја посетат изложбата до 28.11.2021 година, во согласност со мерките за заштита од Ковид19, а влезот е слободен.

Богатата историја на манастрирот датира од 1020 година, кога бил основан од монахот Јован. Во 16 век, манастирот бил разурнат од страна на отоманската власт и од целиот комплекс останала само мала црква. Повторно обновен во 1743 година, од страна на јеромахот Иларион,кој бил и првиот игумен на Бигорскиот манастир во поново време.

Манастирот бил изграден од бигор, оттаму потекнува и неговото име Бигорски. Иконостасот во манастирската црква е еден од најубавите во земјава, но и пошироко.