Според Извештајот на Европската Комисија за 2023 година за напредокот на Република Северна Македонија на нејзиниот пат кон европската интеграција, невработеноста е еден од најзначајните проблеми со кои се соочуваат младите во земјава.

Порталб.мк го анализираше Извештајот кој констатира дека препораките од минатата година се делумно имплементирани и наведува дека „во наредната година особено треба да продолжи имплементацијата на Младинската гаранција, како и мерките за активирање на ранливите групи и создавањето на системи за правилна евалуација на мерките“.

Младите сè уште се соочуваат со препреки при влез на пазарот на трудот. И покрај тоа што таму има подобрувања, и понатаму се присутни структурните проблеми. Се нагласува дека во 2022 година Владата усвоила нов план на имплементација за зајакнување на Младинската гаранција, која е на сила од 2018 година и која придонела за значително намалување на невработеноста кај младите.

„Вработеноста кај младите (на возраст од 15-24 години) остана на 18,3%, а невработеноста кај младите се намали на 31,8% во 2022 година, наспроти 34,9% во 2021 година. Главна мерка за справување со невработеноста кај младите останува шемата на Младинската гаранција “, се нагласува во Извештајот.

Целиот текст на Мета.мк