Кампања за подигање на свеста кај младите за ненасилно и толерантно однесување во и вон училиштата започна МОН.

Да градиме мирна и хармонична училишна средина без било какви облици на  насилство. Да создадеме амбиент во кој младите ќе се фокусираат исклучиво на вистинските цели на воспитно- образовниот процес, на стекнувањето знаења и  вредности кои ќе ги направат да бидат добри луѓе, а насилството воопшто нема да биде тема. Потребна е средина во која ќе преовладува толеранцијата, младите ќе ги  почитуваат меѓусебните разлики и нема да гледаат на нив како поводи за конфликти.

Ова се пораките кои Министерството за образование и наука ќе ги испрати до сите чинители на образовниот систем преку  нова кампања за подигнување на свеста особено кај младите, за важноста на мирот, ненасилно и толерантно однесување во и надвор од училиштата.

Системот е најголем виновник за трагедиите како онаа во Србија

„Ќе се обидеме да допреме до сите, до учениците, наставниците и другите вработени во  училиштата, родителите и старателите, да укажеме дека важен е придонесот на секој од  нас во остварувањето на целта. Неопходно е да се даде предност на вербалниот дијалог  помеѓу учениците и на мирното решавање конфликти. Да ја зголемиме свесноста за  последиците од евентуално девијантно однесување, кои видовме дека можат да бидат  катастрофални“.

МОН упатува апел до сите граѓани, доколку биде забележан било каков облик на насилно однесување во училиштата, да биде пријавен на електронската адреса prijavinasilstvo@mon.gov.mk, односно paraqitdhune@mon.gov.mk, или пак до стручните служби во училиштата, со цел навремено да се реагира и да е спречат посериозни инциденти и последици. Само заедно можеме да ставиме крај на училишното насилство, соопшти МОН.