Кина има за цел да лансира три мисии без екипаж на Месечината, откако откри нов лунарен минерал кој може да биде иден извор на енергија. Вселенската трка меѓу Кина и САД се забрзува откако Националната вселенска администрација на Пекинг доби зелено светло да лансира три орбитери на Месечината во следните 10 години.

Photo by NASA on Unsplash

Веста доаѓа еден ден откако Кина стана третата земја која откри нов лунарен минерал, кој го нарече Changesite-(Y), пренесува Global Times.

Кинеската мисија Chang-5 извади примероци од Месечината во 2020 година, а Global Times ја опиша како „колонорен кристален фосфат минерал“ пронајден во честички од лунарната карпа. Минералот содржи хелиум-3, кој може да биде иден извор на енергија.

Ново откритие на темната страна на Месечината

Рударството на Месечината би можело да биде следната точка на тензија меѓу земјите бидејќи НАСА исто така го истражува јужниот пол на Месечината каде Кина планира да изгради истражувачка станица во соработка со Русија, пренесува Business Insider.

САД сè уште се единствената земја која испратила астронаути на Месечината, а последен пат слетала пред речиси 50 години во мисијата Аполо 17, според веб-страницата на НАСА.