Првиот круг од локалните избори заврши. Избрани се 34 градоначалници низ државата. Остануваат уште преку 40 општини и градот Скопје.

Од досегашните избраните градоначалници преовладуваат млади кандидати, родени околу 1984 и 1985 година. Но најмладите избрани кандидати се родени 1990 година.

Костадин Костадинов

Од кандидатите за градоначалници најмладите беа по 29 години, но од нив до сега не е избран ниту еден. 29 годишни кандидати имаше во Ново Село, Кратово, Зрновци и Боговиње.

Најмладите избрани кандидати се 31 година. 31 годишни кандидати годинава имаше во Шуто Оризари, Теарце, Струмица, Карбинци и Велес.

Од избраните кандидати, според нашите информации, најмладиот градоначалник е Виктор Паунов од општина Карбинци кој е роден 1991 година. Виктор беше кандидат од редовите на ВМРО ДПМНЕ и е помлад само еден месец од најмладиот кандидат на СДСМ Костадин Костадинов, кој стана градоначалник во Струмица.

Виктор Паунов

Највозрасниот кандидат на овогодишните локални избори има 66 години и е кандидатот на „ЛДП ДОМ“ во Штип.

Овие статистички податоци говорат за тоа дека сепак во редовите на кандидати за градоначалници сме имале релативно млади кандидати. Во однос на советите таму границата оди пошироко. Најмладите се 27 годишни и нив ги има 18 на број, додека највозрасните се на 80 годишна возраст и нив ги има 6 кандидати.