Денес многу од младите поминуваат многу време во играње игри онлајн. Играњето игри се претвори во голема индустрија која на светско ниво се проценува на 347 милијарди долари. Најпопуларни игри денес се Minecraft, Grand Theft Auto V, Cyberpunk 2077, Overwatch, Fortnite и други. Филип Здравев од Штип е средношколец кој се занимава со играње игри онлајн и се надева дека еден ден ќе изгради успешна кариера токму од ова.

Моментално ја играм играта Fortnite. Моментално јас не заработувам, но сум сигурен дека во иднина ќе заработувам преку streaming на Tik Tok , Twitch, YouTube и играње натпревар во игри. Мојот канал на Tik Ток преку 5600 следбеници и веќе ги добив минимални донации од луѓе кои ме гледаат. Најгледаните видеа имаат преку половина милион прегледи, вели Здравев.

Филип Здравев, принтскрин на неговиот тик ток канал и играта Fortnite

Заработката преку „гејминг“ е можна на различни начини. Преку играње и натпревар со други, преку играње онлајн и стримување на играта, преку донации или реклами.

Невозможно е да предвидите кога ќе постигнете значаен резултат или за колку време, тоа зависи и од вас колку труд вложувате и колку сте упорни. Како што кажав претходно најлесно е да се достигне некој број на следбеници на тик ток е така што кога вие достигнете 1000 следбеници вие имате можност да правите Live, со можноста Live вие можете да заработите пари преку донации или монетизација, вели Здравев.

Во Македонија 88 гејмери се рангирани со свои заработки – Мартин заработил преку 3 милиони долари

Во Македонија има многу гејмери што заработиле од игри. Најпопуларен е Мартин Саздов (DC.Saksa,Saksa) кој е професионален играч во “Dota”. Мартин е 28 години и тој од 74 игри има заработено околу 3,161,960.65 долари. На Esports моментално има рангирано 88 македонски играчи кои заработуваат од игри. Втор на листата е Ерхан Јајовски со заработка од околу 120 илјади долари. Во Македонија најмногу се заработува од Dota 2, Counter-Strike: Global Offensive и rFactor 2.

ESportsearning.com

Каква опрема ви треба за гејминг и стриминг?

За да се бавите со Live Streaming за почеток не е битна толку добра опрема, можете да почнете со минимална опрема како компјутер, телефон, лаптоп или таблет. Доколку имате некаков уред можете да почнете со Live Streaming, а потоа кога ќе имате можност да набавите подобра опрема можете да набавите микрофон, камера и слично. Јас на пример почнав со телефон. Првите видеа кои ми се на Тик Ток се снимени и монтирани на мобилен телефон. Сега имам компјутер и тоа го правам малку по професионално. Користам и микрофон и камера која ја снима тастатурата, а микрофонот ги снима ударот на копчињата што за некои луѓе е како ASMR, вели Здравев.

Некои од игрите се плаќаат, и потребно е некоја минимална инвестиција за почеток од опрема и игри. Во секој случај важно е да се каже дека играњето игри станува професија како и сите останати, ако сте добри ќе заработувате, ако не нема.