Глобалната потрошувачка на антидепресиви драстично се зголеми во последните две децении,но која земја користи најмногу антидепресиви?

Европејците се најголеми потрошувачи.Употребата на антидепресиви се зголемила за речиси два и пол пати од 2000 до 2020 година во 18 европски земји, покажуваат податоците на Организацијата за економска соработка и развој.

Image by stefamerpik on Freepik

Податоците на ОECD покажуваат и драматично зголемување на анксиозноста и депресијата за време на пандемијата COVID-19.

Дали најсреќните земји користат помалку антидепресиви?

Збирките на податоци на OECD ја покажуваат дефинираната дневна доза (DDD) потрошувачка на „N06A-антидепресиви“. Оваа група се состои од препарати кои се користат за третман на ендогени и егзогени депресии, според СЗО.

Просечната потрошувачка на антидепресиви во 18 европски земји беше 30,5 DDD на 1.000 луѓе дневно во 2000 година. Се искачи на 75,3 DDD во 2020 година, што претставува зголемување од 147 отсто.

Но, овој вкупен просек крие многу различни појдовни точки за употреба на овие таблети во 2000 година во одредени земји.

Чешката Република забележа најголем пораст со 577%. Во Франција пак, се зголеми за само 38%, што ја прави најниската промена во овие земји помеѓу 2000 и 2020 година, иако од релативно високо ниво.

Кои земји имаат најголема потрошувачка на антидепресиви?

Гледајќи ги промените во последната деценија, има податоци за 24 европски земји.
Во 2020 година, потрошувачката на фармацевтски производи за лечење на депресија на 1.000 луѓе дневно варирала од 20 ДДД во Латвија до 153 ДДД во Исланд. Следат Португалија (131 ДДД), ОК (108 ДДД во 2017 година), Шведска (105 ДДД) и Шпанија (87 ДДД).
Во 2020 година, просечната употреба во овие 24 земји беше 68 DDD. Најголемите три земји по население, имено Турција (49 DDD), Франција (55 DDD) и Германија (62 DDD) сите забележаа потпросечна употреба.

Премногу деца се справуваат сами со менталните последици од пандемијата

Дали има врска помеѓу среќата и употребата на антидепресиви?

Краткиот одговор е не. Податоците за европските земји не сугерираат дека колку луѓето се посреќни, толку помалку консумираат антидепресиви. Финците, кои беа најсреќната нација според извештајот, користеле 82 DDD антидепресиви. Тоа прави Финска да е на седмото место од 24 земји.
Исланд, кој беше втора најсреќна земја во светот во 2020 година според Светскиот извештај за среќа, има најголема потрошувачка во Европа. Шведска, која е рангирана на шестото место во Извештајот за среќа, е четврта по најголема употреба на антидепресиви со 105 DDD.

Младите посегнуваат по скапи алтернативи за да го сочуваат менталното здравје

Дали потрошувачката на антидепресиви се зголеми за време на Covid?

Додека преваленцата на анксиозност и депресија значително се зголеми за време на пандемијата COVID-19, има зголемување од 10% или повеќе во потрошувачката помеѓу 2019 и 2021 година во 14-те земји на OECD за кои се достапни податоци.
Сепак, ова е во позадина на постојан тренд на зголемување на потрошувачката на антидепресиви во последните 20 години. Затоа, потребни се повеќе истражувања за да се разбере какво било можно влијание од пандемијата врз овие неодамнешни зголемувања.