Критичарите и гледачите го фалат новиот филм на Нетфликс за Првата светска војна. All Quiet on the Western Front – базиран на истоимениот бестселер на Ерих Марија Ремарк од 1920-тите – беше објавен на стриминг платформата на крајот на октомври и досега постои јасен консензус дека овој филм вреди да се гледа.

Фото: Нетфликс. Сцена од филмот

На Rotten Tomatoes оценката на критичарите е 92 отсто, додека на публиката е 91 отсто – на оваа страница не е многу вообичаено гледачите и критичарите да имаат иста оцена за ист филм. Филмот ја следи приказната за еден млад германски војник на западниот фронт од Првата светска војна. „Пол и неговите колеги војници од прва рака доживуваат како почетната еуфорија од војната се претвора во очај и страв додека се борат за своите животи во рововите“. Пишувајќи за Awards Daily, Марк Џонсон го нарече еден од најдобрите воени филмови некогаш снимени: „Се e тивко на западниот фронт е зачудувачки филм и ремек-дело. Не само што е еден од најдобрите филмови на годината, туку и треба да биде запаметен како еден од најголемите воени филмови на сите времиња“.

Исто така, Леа Гринблат напиша за Entertainment Weekly: „Филм кој може да се почуствува а воедно и естетски брилијантен и полн со неопходни вистини: антивоена драма што ја надминува пропагандата и е направен толку вешто и неизбришливо“.

Ентузијастички критики исто така го преплавија Твитер, а еден гледач напиша: „Денес го гледав. Каков неверојатен филм. Навистина брилијантен, крајно потресен и сè што се надевав дека 1917 година ќе биде, но не беше. Мора да го гледате, дури и ако не ве интересира Првата светска војна“.

Друг напиша: „Се тивко на западниот фронт на Нетфликс е ремек-дело, можеби еден од најдобрите воени филмови некогаш направени. Филм што треба да ги освои сите Оскари“.

Третиот додаде: „Режијата и кинематографијата се одлични. Овој филм е The Revenant + 1917. Ни требаат повеќе воени филмови како овој. Не можам да го препорачам доволно“.