Сајтот „Kuwait News“ ја претстави Феда – презентер на вести генериран од вештачка интелигенција. Претставниците на овој кувајтски медиум ветуваат дека во иднина нивниот водител ќе може да чита вести на социјалните мрежи.

Кувајтскиот медиум Kuwait News (kuwaitnews.com) воведе виртуелен водител на вести создаден со употреба на вештачка интелигенција. Плановите се  за читање вести објавени на страницата.

„Feda“ во саботата на Твитер профилот на веб-страницата Kuwait News се појави како жена со откриена коса во црна јакна и бела маица.

„Јас сум Феда, првиот водител во Кувајт кој работи со вештачка интелигенција во Kuwait News. Какви вести претпочитате? Ајде да го слушнеме вашето мислење“, рече таа на арапски.

Веб-страницата е поврзана со Kuwait Times, основана во 1961 година како прв дневен весник на англиски јазик во регионот на Персискиот залив.

Видео клипот на Kuwait News со презентарка од AI предизвика бура од реакции

Абдула Бофтен, заменик-главен уредник за двата медиума, рече дека тоа е тест за потенцијалот на вештачката интелигенција да понуди „нова и иновативна содржина“.

أول مذيعة في #الكويت تعمل بالذكاء الاصطناعي

• #فضة.. مذيعة #كويت_نيوز الافتراضية

• ما هي نوعية الأخبار التي تفضلونها بتقديم #فضة زميلتنا الجديدة؟ .. شاركونا آراءكم pic.twitter.com/VlVjasSdpb

— كويت نيوز (@KuwaitNews) April 8, 2023

Во иднина, вели тој, Феда би можела да усвои кувајтски акцент и да чита вести на Твитер профилот на страницата. Профилот има 1,2 милиони следбеници.

„Феда е популарно, старо кувајтско име што се однесува на среброто… Ние секогаш ги замислуваме роботите како сребрени и метални, па ги споивме тие две работи“, објасни Бофтејн.

Русата коса и светлите очи на водителката ја рефлектираат различноста на домородното население и имигрантите во земјата богата со нафта, рече Бофтајн, додавајќи накратко: „Феда претставува сè“.

Тужба против чет ботот ChatGPT

Првиот видео клип во траење од 13 секунди предизвика поплава од реакции на социјалните мрежи, а секако коментираа и новинари.

Метеорскиот пораст на вештачката интелигенција на глобално ниво доведе до зголемени надежи дека тоа ќе им користи на луѓето. Тоа особено се очекува во областите како што е здравствената заштита. Од друга страна, расте стравот од вештачка интелигенција и потенцијал за ширење дезинформации, како и губење на работни места и уметнички интегритет.