Долгоочекуваното враќање на култната серија „Пријатели“ на кинеските стриминг платформи наиде на удар на кинеските цензори поради епизодата во која еден од женските ликови е со хомосексуална ориентација.

Фото: Fortune

Цензурата ги налути фановите на американската серија кои имаа можност да ја погледнат оригиналната верзија.

Првата сезона на „Пријатели“ започна да се емитува на кинеските стриминг платформи во петокот. Но, обожавателите кои претходно ја гледале серијата забележале отсуство на некои сцени, вклучувајќи ја и онаа во која Рос објаснува дека неговата поранешна сопруга Керол е лезбејка.

Некои пријавија изоставување на сцени и погрешно преведување на реченици од ЛГБТ ликовите и сцени кои алудираат на стриптиз клубови и оргазми.

Цензурирањето на „Пријатели“ предизвика реакции на кинескиот твитер

На ова остро реагираа корисниците на кинеската социјална мрежа Weibo, кинескиот еквивалент на Twitter, каде хаштагот „Friends Censored“ беше прегледан десетици милиони пати.

Промени се направени и во епизодите што ги емитуваат платформите Bilibili, Tencent, iQiyi и Youku.

„Открив дека сите дијалози во кои се споменува хомосексуалноста на Керол, поранешната сопруга на Рос, се прекинати. Кратењата се очигледни“, напиша корисник чија порака добила повеќе од 177.000 лајкови.

Во последните години, комунистичката влада ја засили цензурата на „чувствителните“ теми како што се сексуалноста, насилството или политиката, особено во странските филмови и серии, став што предизвикува гнев и иронични коментари кај кинеските интернет корисници.

„Зошто воопшто да се зборува за хомосексуалност? Тоа не постои овде, каде што владее вечното совршенство. „Сите се среќни под оваа влада“, напиша корисник на Веибо.

Топ три кратки серии од кои ќе ве полазат морници

Но, критиките од фановите набрзо беа избришани од социјалните мрежи, а субверзивните хаштагови беа заменети со други во неделата: „Зошто пријателите се толку популарни“.

Во 2019 година, неколку сцени од филмот „Боемска рапсодија“, кои зборуваат за хомосексуалноста на Фреди Меркјури, пејачот на групата Квин, исто така беа избришани од верзијата што се емитуваше во Кина.

Неодамна во Тенцет беше променет крајот на култниот филм на Дејвид Финчер „Фајт клуб“.