Втор пат по ред, македонската репрезентација во Кантерстрајк (CS:GO) победи на светскиот турнир во втора категорија кој го организираше Меѓународната е-спорт федерација во Бали, Монголија од 7 до 11 декември. Во финалето нашите претставници го победија домаќинот Монголија со 3:1.

Фотографија од Македонска е-спорт федерација

NORTH MACEDONIA 🇲🇰 ARE THE CS:GO CHAMPIONS 🏆🏆🏆

They bulldozed their way past Team Mongolia 🇲🇳 and won after just 3 games! 👊👊👊

GG WP CHAMPS! 🏆🔥@macedonianesf #IESF #WorldEsports #Gaming #Bali2022 #WEC22 #csgo pic.twitter.com/HrNfea8feV

— IESF (@IeSF_Master) December 11, 2022

„Северна Македонија се CS:GO шампиони“, објавија од Меѓународната е-спорт федерација на Твитер.

Ова е секако голема радост и поттик за сите гејмери во земјава и инспирација за помладите генерации. Нашите играчи беа толку добри што на претходните натпреварувања дури беа обвинувани дека хакираат што подоцна по официјалните проверки се испостави дека не е така.

Целото патешествие на нашата репрезентација на турнирот во Монголија може да се види на Фејсбук профилот на Македонската е-спорт федерација, додека видеата од самите игри може да се погледнат на Твич.

Текстот оригинално објавен на Мета.мк