Министерството за внатрешни работи (МВР) денеска испрати важна порака до сите матуранти: Прославете паметно и безбедно!

Секоја година, токму за време на матурските прослави, се зголемува бројот на сообраќајни несреќи во кои често учествуваат млади – матуранти. Дел од нив завршуваат со сериозни повреди, а има и случаи со трагичен крај.

Затоа, еве неколку важни правила што треба да ги имаш на ум:

• 🚫 Не вози на матура – оди со такси, родител или организиран превоз.
• 🍻 Без алкохол – слави со свест, не со ризик!
• 💊 Заборави на дрога – не ѝ припаѓа на ниту една прослава.
• 😎 Почитувај ги другите – без караници, инциденти и нарушување на јавниот ред.

Од МВР порачуваат: „Одговорноста е кај вас, но и кај вашите родители. Матурата треба да биде спомен за цел живот, не причина да се изгуби животот.“

Направи ја оваа вечер незаборавна – не по трагедија, туку по добра музика, смеење со друштвото и фотки што ќе ги паметиш со години!

Од МВР изработиле и видео со кое ги повикуваат младите, но и нивните родители на разумна прослава.