Мета издаде предупредување до милион корисници на Фејсбук дека информациите за нивната сметка можеби биле компромитирани од надворешни апликации на продавниците на Google и Apple.

Photo by William Hook on Unsplash

Предупредувањето се однесува на апликации, кои се маскирани како „забавни и корисни“, а всушност ги крадат лозинките на корисниците.

Во новиот извештај, безбедносните истражувачи во Мета идентификуваа повеќе од 400 малициозни апликации дизајнирани да украдат ингеренции од сметките на корисниците на Фејсбук.

Апликациите наводно се маскирани како „забавни и корисни“ услуги, како што се уредници на фотографии, апликации за камера, VPN услуги, хороскопи и фитнес тракери.

Апликациите често бараат од корисниците да се пријават со нивната сметка на Facebook пред да пристапат до ветените функции. Сепак, ова е само алатка за кражба на информациите на корисниците на Facebook.

Исто така, се истакнува дека голем број од нив едвај биле функционални пред да се најави корисникот, а многумина не нуделе функции дури и по пријавувањето.

Google забрани апликации кои се штетни – избришете ги веднаш

Мета ги извести и Apple и Google за ситуацијата, па сега останува на нивните продавници за апликации да обезбедат отстранување на малициозниот софтвер.

Во меѓувреме, Facebook испраќа милион предупредувања до корисниците к, препорачувајќи им да ги променат лозинките.