Секогаш кога почнуваме со вежбање или со било каква физичка активност низ глава ни поминува прашањето кога е најдобро време за вежбање – наутро или навечер? Според едно американско истражување, мажите добиваат подобри резултати и согоруваат повеќе калории кога вежбаат ноќе, а жените сосема спротивно – наутро.

Photo by: Unsplash

Разликите во хормоните, во биолошките часовници и циклусите на спиење и будење меѓу половите, може да играат улога.

Студијата била спроведена на 30 мажи и 26 жени – сите активни и здрави, и помеѓу 25 и 55 години. Истата траела 12 недели. Студијата ги следела ефектите од разновидна фитнес програма, која вклучувала истегнување, спринт, тренинзи со отпор и издржливост.

Кога е правилно да прескокнете тренинг и квалитетно да се одморите?

Едната група вежбала еден час пред 08:30 часот, додека другата група ги следела истите активности навечер, помеѓу 18:00 и 20:00 часот. Сите учесници има дизајниран план за оброци. Без разлика на времето, сите учесници го подобриле целовкупното здравје.

Наутро или навечер?

„Врз основа на резултатите, жените заинтересирани за намалување на маснотиите и крвниот притисок треба да вежбаат наутро.“, изјавил д-р Пол Арцерио, водечки автор на студијата и професор по здравје и човечки физиолошки науки на колеџот Скидмор, државата Њујорк.

Наспроти нив, идеално време за вежбање кај мажите било откриено дека е ноќе.

“Ноќното вежбање им помага за подобрување на здравјето на срцето и метаболизмот, како и за емоционалната благосостојба“, според д-р Арсерио.

Според истражувачите жените можат да согорат повеќе телесни маснотии наутро бидејќи имаат поголема веројатност да имаат вишок сало на стомакот. Внатрешниот ритам на телото исто така може да биде фактор.