Како дел од заедничката имплементација на меѓународниот стрип конкурс „ALL WE ARE SAYING IS GIVE RECONCILIATION A CHANCE “ денес во Центарот за култура „ГРАДАЦ“ во Рашка, соседна Србија ќе се одржи изложба од сите стрипови пристигнати на овој конкурс. Организација носител на овој проект е Стрип центар на Македонија-Велес.

Делата на младите автори од Македонија, Црна Гора, Србија, Босна и Херцеговина и Косово ќе бидат изложени на оваа изложба. Вклучени се и некои стрипови кои беа поднесени вон конкуренција како на изложбата, така  и во специјалниот наменски каталог.

Во конкуренција на повеќе од 50 стрипови кои пристигнаа на конкурсот, во категоријата основци беа наградени: со прво место Јелена Павловиќ од Белград, со второ место Ангела Ајтовска од Скопје, со трето место Анастасиа Терзиќ од Рашка.

За најдобро сценарио е наградена Ана Мари Пејчиќ од Сараево, додека за најдобар цртеж е наградена Николина Жуљевиќ од Сомбор.

Во категоријата средношколци, најдобра стрип-авторка која го освои првото место е Ана Марија Качева од Скопје, додека жирито втората награда ѝ ја додели на Бојана Лазаровска од Скопје. Анастасија Петровска од Скопје го освои третото место за најквалитетен стрип.

Во категоријата најмлад учесник, наградена е Маја Ќетковиќ од Будва. Специјална награда ѝ беше доделена на Анастасија Велковска од Скопје.

Пристигнатите дела од младите автори беа оценети од меѓународно стрип жири составено од уметници од горенаведените земји.