Светското првенство во е-спорт започна денес во главниот град на Саудиска Арабија – Ријад, каде што ќе има натпревари во видеоигри во следните 8 недели. Според објавата на официјалната веб-страница на Фондацијата за Светски куп на е-спорт, овој настан во гејминг-индустријата има рекорден награден фонд од 60 милиони долари и повеќе од дваесет наслови во видеоигри, покривајќи игри како Counter-Strike 2, League of Legends и Call of Duty.

Вчера се одржа церемонија на отворање на настанот, при што целиот град беше осветлен од огномети. Светското првенство во е-спорт е целосно нов турнир што се одржува во Саудиска Арабија. Тоа е огромен настан што го поддржуваат повеќе од 1.500 е-спортисти и натпреварувачи претставувајќи околу 400 тимови од 100 земји.

Извор: Мета.мк