Штабот на Владата ја прифаќа препораката на Комисијата за заразни болести да се укине носење маски на затворено. Исклучок од затворениот простор ќе биде јавниот и такси превоз, здравствените установи, аптеките и домовите за стари лица. Одлуката треба да биде одобрена и на седница на Влада, односно за укинување на оваа мерка за заштита од Ковид-19 ќе се расправа на следната владина седница.

Health photo created by freepik – www.freepik.com

Меѓу усвоените заклучоци кои Комисијата ги достави до Кризниот штаб се и укинувањето на обврската за носење маски на настава во средните училишта, како и укинувањето на забраната за екскурзии и настава во природа.