Втора победа за одбојкарите на Штип УГД, во второто коло од Првата лига, во Штип „падна“ Универзитет од Тетово.

На свој паркет, во СРКЦ Јордан Мијалков во Штип, одбојкарите на Штип УГД го одиграа вториот првенствен натпревар во рамките на првата одбојкарска државна лига на Македонија. Покрај победата на гостински терен од 0:3 во првото коло над екипата на ОК Петровец од Скопје, денес штипските одбојкари се радуваа на втората победа по ред, против екипата на ОК Универзитет од Тетово со резултат 3:1.

Домашните во првиот сет влегоа опуштено и со доста технички грешки, па очегледно беше освојувањето на сетот од страна на гостите. Во продолжение, екипата на Ванчо Санев се консолидираше, ги поправи грешките од првиот сет и го контролираше водството во текот на сите преостанати сетови, за на крај заслижено да слават со 3:1 и да ги прокнижат трите бода на своето конто. Наредно коло, екипата на ОК Штип УГД ќе гостува на екипата на ОК Лирија од Жеровјане. Очекуваме одбојкарите, добриот старт да го надоврзат со уште една победа и борба за висок пласман во првенството.