Одбојкарите на Штип УГД во третото коло од Првата одбојкарска лига гостуваат во Жеровјане, на екипата на ОК Лиријa.

Штипските одбојкари ќе имаат два предизвика – да остварат трета победа во низа и да имаат стопроцентен учинок на стартот на првенството и да го подобрат негативниот скор против Лирија.

Во меѓусебните дуели во последните 4 натпревати, води Лирија со три победи, наспроти една на штипјани. Натпреварите помеѓу овие две екипи секогаш биле неизвесни и со доста пресврти, па поради тоа ОФМ го делегираше натпреварот за 31.10.2022 година – понеделник, резервиран термин за одбојка на МРТ3, како дерби на колото.

Во досегашниот тек од напреварувањето, Штип УГД има остварено 2 победи од исто толку натпревари, а пак Лирија една, со тоа што во второто коло беше слободна.

Нова победа за Штип УГД, совладан Универзитет Тетово со 3:1

Да се надеваме дека штипските одбојкари ќе остварат победа со што и ќе го задржат второто место на табелата.

Натпреварот помеѓу Лирија и Штип УГД, може да го проследите во понеделник, 31 октомври на МРТ3 каналот со почеток од 19 часот.