„Филмај“ фестивалот на краток филм, организиран од фото – кино клуб „Козјак“ – Куманово, од денес почнува прием на пријави за конкурсот за фестивалско издание за 2022 година.

Кратките филмови можат да бидат играни и документарни, но не и анимирани. Тие треба да бидат со траење од 20 минути и завршени после 1.1.2018 година. Сите заинтересирани можат да се пријават преку платформите FilmFreeway I festhome, најдоцна до 20.3.2022 година. Истите, можат да конкурираат за следниве награди:

• награда „Лазар Ѓорѓевиќ“ за најдобра режија;
• награда „Радислав Ристевски“ за најдобра фотографија/кинематографија;
• награда „Козјак“ за најдобро сценарио;
• награда за најдобар македонски (домашен) филм.

Авторите можат подетални информации, за правилата и пропозициите, да пронајдат на веб-страната на фестивалот, а тековни известувања и новости ќе можат да се следат на Facebook – страната и на FB- настанот. Имаат право да напишат и електронска пошта на filmaykozjak@gmail.com за да добијат инструкции за успешно аплицирање.

Резултати за наградените филмови на „Филмај 2022“ фестивалот на краток филм – Куманово, се планира да бидат соопштени на 2.5.2022 година, а фестивалот е предвиден да се одржи на 27.5.2022 година во Куманово.

Инаку, најдобар македонски филм на „Филмај 2021“ беше „Неонски срца“ на Ана Јакимска, а прв добитник на наградата беше филмот „Налепница“ на Георги М. Унковски, на второто издание на „Филмај 2020“.