Периодичното гладување (внесување храна во осум часа, потоа 16 часа постење), може дам доведе до сериозни кардиоваскуларни болести.

Една голема нова научна студија ги доведува во прашање здравствените придобивки од широко пофалениот метод на интермитентно постење, кој е поддржан од многу познати личности и здравствени гуруа.

Photo by Elena Leya on Unsplash

Наизменичното гладување е добро позната практика при која целата храна во текот на денот се консумира со разлика од осум часа, а потоа се постат останатите 16 часа.

Сепак, прелиминарното истражување на Американското здружение за срце покажа дека ограничувањето на оброците на само осум часа дневно е поврзано со 91 отсто зголемен ризик од прерана смрт од кардиоваскуларни болести.

Експертите предводени од д-р Виктор Жонг од Медицинскиот факултет на Универзитетот Џиао Тонг во Шангај анализирале околу 20.000 возрасни лица во САД со просечна возраст од 49 години кои биле подложени на периодично гладување.

Преголем внес на протеини може да предизвика здравствени проблеми

Според студијата, претставена на конференција во Чикаго, оние кои се ограничиле на јадење само осум часа дневно имале 91 отсто поголем ризик да умрат од кардиоваскуларни болести во споредба со оние кои јаделе помеѓу 12 и 16 часот.

Наизменично гладување (интермитентно постење) – фален, но и опасен метод на диета

Меѓу учесниците во студијата, оние со постоечки кардиоваскуларни болести кои јаделе осум до десет часа дневно имале 66 отсто поголем ризик од смрт од проблеми со срцето или мозочен удар.

Photo by Jamie Matociños on Unsplash

Истражувачите исто така откриле дека временски ограниченото јадење не го намалува севкупниот ризик од смрт од која било причина.

„Ограничувањето на времето што го јадете секој ден, како на пример осум часа дневно, доби огромна популарност во последниве години како начин за слабеење и подобрување на здравјето на срцето. Сепак, долгорочните ефекти од наизменичното постење, вклучувајќи го и ризикот од прерана смрт од кардиоваскуларни болести, се непознати“, рече Жонг.

Уште повеќе, авторите на студијата биле изненадени кога откриле дека луѓето кои ја следат диетата 16:8 всушност имале поголеми шанси да умрат од кардиоваскуларни болести.

„Иако овој тип на диета е популарен поради потенцијалните краткорочни здравствени придобивки, нашето истражување јасно покажува дека во споредба со вообичаениот режим на исхрана од 12 до 16 часа на ден, пократките периоди на исхрана на никаков начин не се поврзани со подолг и поздрав живот. “, истакна Жонг.

Краткорочни здравствени придобивки, долгорочни можни опасности

„Охрабруваме повнимателен пристап кон препораките за исхрана, што гарантира дека тие се во согласност со здравствениот статус на поединецот и најновите научни докази“, рече Жонг.

Диеталните сокови можат повеќе да предизвикаат дебелеење од обичните?

Сепак, тој додава дека се потребни повеќе истражувања за оваа практика и дека нивната студија има одредени ограничувања. Многу експерти, исто така, ја изразија својата резерва за новото истражување, бидејќи се заснова на прашалници за да се добие увид во вообичаената исхрана на учесниците.

Едногодишната студија ги анализираше учесниците во Националните истражувања за испитување на здравјето и исхраната од 2003 до 2018 година и ги спореди податоците со Националниот индекс на смртност на Центрите за контрола и превенција на болести, база на податоци за луѓе кои починале во САД од 2003 до 2019 година.