Од 12 до 15 мај во Струга по 44 пат ќе се одржи International Medical Scientific Congress (IMSC) за студентите по Медицина. Конгресот ќе се одвива на англиски јазик бидејќи дел од студентите доаѓаат од повеќе држави низ Европа. Организиран од страна на Македонската медицинска студентска асосијација (ММСА), конгресот има за цел поголема едукација и практична настава за разновидни теми од областа на Медицината.

“Целта е учење на нови вештини како и создавање на многу незаборавни моменти и пријателства од работилници и предавања па сѐ до журки и социјализирање. Без разлика дали сте студент или пак доктор, секој може да биде дел од ова доживување. Можноста за учество се води како активен учесник, каде што се презентира ваше лично истражување оценето од врвен медицински кадар со можност за награди или пасивен учесник, каде што можете да ги уживате бенефитите кои што ги нуди овој конгрес.“, вели Вероника Неделковска, амбасадор за IMSC и студент на Факултетот за Медицински науки при Универзитет “Гоце Делчев“ во Штип.

Вероника Неделковска, амбасадор за IMSC и студент на Факултетот за Медицински науки при УГД Штип

ММСА најавуваат доктори од различни области кои ќе ги одржат предавањата и работилниците

Организаторите на Конгресот како дел од генијалниот кадар ги најавуваат докторите Светозар Антовиќ MD PhD (Suturing skills and surgical knots), Никола Брзанов MD ( Laparoscopic skills), Горан Димитров MD PhD (Treatment of precancerous lesions of the cervix), Билјана Андоновска MD (Airway management basic and advanced), Дарко Анѓушев MD (Advanced life support), Соња Бојаџиева MD (Preparation of enteral diet in pediatric patients), Славица Арсова Хаџи-Ангелковска (Emergency Psychiatry), Ирена Костандинова Петрова MD PhD MSc заедно со Наташа Стојковска MD и со Љубица Ташева MD (Human Semen Evaluation-Spermogram), Игор Исјановски MD PhD (The Binocular Indirect Ophthalmoscope), Марија Вавлукиш MD PhD и Венџамин Мајсторов MD PhD (Perfusion Scintigraphy and Clinical Cases Presentation) кои ќе ги одржат работилниците на семинарот.

Престојот ќе е во хотел Дунав со вклучено мени и опционален превоз по цена од 100 до 200 евра.

“Идејата за овој настан поттекнува од големата желба за да се инволвиранаат студентите во научно истражувачка работа и да се запознаат со професијата на позабавен начин. Потребно за да се организира еден ваков конгрес е да има студенти кои имаат волја да работат во тим и да организираат од старт сами цел еден огромен настан како што е овој конгрес.“, вели Неделковска.

Сите заинтересирани студенти имаат можност да се пријават со кодот #VNNMK00 кој им е потребен за регистрација.