„Патентниот фонд за лекови (МПП)  потпишал договори со 27 генерички компании за производство на орален антивирусен лек против корона-молнупиравир и снабдување на 105 земји со низок и среден приход“, соопшти МПП, пренесува Ројтерс.

Фото:The Indian Express

Меѓународната организација MPP, со седиште во Женева, има поддршка од Обединетите нации.

Агенцијата за патенти на ОН склучи договори со речиси 30 фармацевтски компании за производство на генерички верзии на лекот Мерк молнупиравир против корона за посиромашните земји.

Малмед апелира да не се земаат антибиотици на своја рака

На овој начин, ОН сакаат да овозможат пристап до лекови за повеќе земји и луѓе во обид да ја потиснат новата пандемија на коронавирус.

Претходно, Мерк потпиша билатерален договор за лиценцирање со осум индиски производители на генерички лекови, вклучувајќи ги Aurobindo Pharma, Cipla Ltd, Dr. Reddy’s Labs, Emcure Pharmaceuticals, Hetero Labs, Sun Pharmaceuticals и Torrent Pharmaceuticals.

Фото: The Pharma Letter

Компании од Кина, Индија, Африка, Азија и Блискиот Исток ќе произведуваат состојки и готов лек против корона.

Лекот на Мерк беше одобрен за употреба во итни случаи во САД во декември, откако беше докажано дека го намалува ризикот од болничко лекување и смрт кај пациенти со висок ризик за 30 проценти.

Од МПП наведуваат дека, според договорот, лекот ќе се дистрибуира во 105 помалку развиени земји, а ќе чини околу 20 американски долари.

Тоа е пакување од 40 таблети за пет дена.