Моментално не постои лек за слепило, но првиот  ваков вештачки систем за вид ја има својата успешна имплантација, носејќи со себе потенцијал за делумно враќање на видот кај луѓето кои го изгубиле.

Интракортикалната визуелна протеза (ICVP), имплант кој ги заобиколува мрежницата и оптичките нерви на окото се поврзува директно со визуелниот кортекс на мозокот. Успешно е вграден кај првиот учесник во студијата во Медицинскиот центар на Универзитетот Раш, во Чикаго. Оваа операција е дел од Фаза 1 на физибилити студија на интракортикална визуелна протеза за луѓе со слепило.

• Жените – научнички добиваат помали грантови од мажите

Системот ICVP е развиен од тим од повеќе институции предводен од Филип Р. Тројк – извршен директор на Институтот за биомедицински науки и инженерство на Технолошкиот институт Илиноис.

Системот за интракортикална визуелна протеза е првиот интракортикален визуелен имплант кој користи група целосно вградени минијатурни безжични стимулатори за да истражат дали лицата со слепило можат да го користат вештачкиот вид обезбеден со овој пристап.

За време на претклиничката фаза, тимот работеше со неврохирурзите од Медицинскиот центар на Универзитетот Раш, за да развијат и да ги усовршат хируршките процедури, што резултираше со успешното вградување на 25 стимулатори со вкупно 400 електроди кај поединец со слепило. Клиничката фаза е насочена кон тестирање дали оваа протеза, која ќе им обезбеди на учесниците во студијата подобрена способност за навигација и извршување на основни визуелно водени задачи. Тестирањето ќе започне во Светилникот на Чикаго по 4-6-неделен период на оправување на учесникот во кој е вграден имплантот.