Народниот театар во Штип ќе биде домаќин на нова театарска премиера „Се случи еднаш во Женева“. Претставата истражува една необична средба меѓу американски и советски дипломат за време на преговорите на Студената војна, инспирирана од вистински настан во 1982 година. Драмата се фокусира на моменти кога двата дипломати, Андреј Ботвиник и Џоун Ханимен, пркосат на протоколите и заминуваат на приватна прошетка низ шумата, што ќе прерасне во симболична дебата за глобалната безбедност и човечката природа.

Претставата, адаптирана според драмата „Прошетка низ шумата“ од американскиот драматург Ли Блесинг, е режирана од младиот Кристијан Атанасов. Во улогите на главните ликови настапуваат Јана Вељановска и Лазар Христов, кои преку своите изведби внесуваат нова перспектива на динамиката меѓу двете суперсили и човечката димензија на меѓународната дипломатија.

Лазар Христов, актер во главната машка улога, неодамна ја доби наградата за „Најдобра машка улога“ на студентскиот театарски фестивал ИНТЕФ во Србија.

Претставата ќе се одржи на 15 ноември (петок) со почеток во 20.00 часот на сцената на Народниот театар Штип.