Професорите и сите вработени на Универзитетот „Гоце Делчев“ во Штип денес излегуваат на протест. Протестот е резултат на непотпишувањето на колективниот договор од страна на основачот на УГД како и други барања. Протестот е во организација на синдикатот на Универзитетот, а во продолжение еве го и целосното соопштение:

Се известуваат членовите на Синдикатот на УГД како и сите останати вработени на УГД-Штип, дека на ден 04.03.2024 (понеделник) со почеток во 13.00 часот ќе се одржи Јавен протест во траење од 30 минути заради искажување незадоволство поради непотпишување на Колективниот договор од страна на основачот, како и против двојните стандарди, дискриминацијата и нееднаквоста на Јавните универзитети во зголемување на платите.  

Нашите активности безрезервно ги поддржа и Сенатот на УГД кој на ден 29.02.2024 година донесе едногласна Одлука.

Протестот ќе се одржи пред Ректоратот на УГД-Штип.

Ве повикуваме на масовност, солидарност и единство со цел да успееме во нашата заедничка мисија и цел.

Ве чекаме да ни се придружите.

МОТОТО НА ПРОТЕСТОТ Е: “АКО БИДЕМЕ СЛОЖНИ РЕЗУЛТАТИТЕ СЕ МОЖНИ”!

 

 

03.03.2024 година                                      СОВЕТ НА СИНДИКАТОТ НА УГД-ШТИП

                                                                                            Претседател,

                                                                                 Проф. д-р Андон Мајхошев