Замисли да го поминеш денот рамо до рамо со британскиот амбасадор, да влезеш зад дипломатските врати и да видиш како навистина функционира меѓународната политика и дипломатијата. Тоа не е сцена од серија – туку реална можност што ја нуди British Embassy Skopje преку конкурсот „Ambassador for a Day“.

Иницијативата ја најави амбасадорот Matthew Lawson, а е наменета за студентки од 18 до 22 години кои студираат во Северна Македонија.

Photo by Mark Stuckey on Unsplash

Победничката ќе има можност да го следи амбасадорот во текот на неделата кога се одбележува 8 Март – Меѓународниот ден на жената, да присуствува на средби и да научи што навистина значи дипломатска работа.

Од Амбасадата велат дека иако жените сочинуваат половина од светската популација, тие сè уште се недоволно застапени во дипломатијата и во политичките и деловните структури. Токму затоа, конкурсот има цел да ги охрабри младите жени да бидат лидери и двигатели на промени.

Што треба да направиш?

• Да снимиш видео (1,30 – 2 минути) на англиски.
• Да одговориш на прашањето: „Who is your favourite British heroine and why?“
• Да бидеш креативна – тоа ќе биде важен критериум при изборот.
• Да го испратиш видеото и формуларот за учество на BritishEmbassySkopje@fcdo.gov.uk до 23 февруари 2026.

Конкурсот е отворен од 4 февруари. Победничката ќе биде известена на 28 февруари, а јавно ќе биде објавена на 8 март 2026.

Ако мислиш дека дипломатијата е затворен свет – ова ти е директна покана да влезеш внатре. Повеќе информации на https://www.gov.uk/government/news/ambassador-for-a-day-competition-in-north-macedonia-2026?fbclid=IwY2xjawPyv3tleHRuA2FlbQIxMABzcnRjBmFwcF9pZBAyMjIwMzkxNzg4MjAwODkyAAEeQ51Ub_2ySk4WLSA-HryUy_hawnGaENM2O9DbgbzqYZ00NC3Iv5yQidHLVbA_aem_k4WitkidTyj5WLu-CzOIkg